Стязание бывшее вкратце

Стязание бывшее вкратце.

 

РГБ, ф. 256, собр. Н. П. Румянцева, № 453, Полная хронографическая палея, (л. 455) (link, link);

 

Публикация: Энциклопедия русского игумена.

 

РНБ, Кирилло-Белозерского м-ря собр., № 86/1163 (Боголеп Губа), л. 135об.–136об.:

стѧзане бывъшее въкратцѣ въ і҆е҆рс҇лимѣ при софронїи а҆рхїе҆пс҇пѣ. о҆ вѣрѣ хрс҇тїанскои. и҆ о҆ заклнѣ е҆вреиском • сшедшѹс҇ събо́рꙋ хрс҇тїанскомꙋ і҆ е҆вре́искомꙋ хрс҇тїанин преж всѣх должен въпросити жидовина рци ми что ради слышишис҇ і҆ю҆деин꙽, і҆ е҆вреи҆н꙽. и҆ і҆л҃ьтѧнин і҆ что ес҇ ра́змꙋм трїем и҆менем и҆ е҆гда̀ речет ти ꙗ҆ко е҆вреин҇ ѹб слы́шꙋс҇ ꙗ҆кѡ ѿ а҆враа́ма і҆юдинъ ж ѿ і҆ю́ды і҆ и҆льтѧнин же ѿ еж нарещис҇ ѹб і҆а́ковꙋ ѿ б҃а і҆и҃ль • || (л. 136) р꙽ци е҆му и҆ ты̀ не въпросих тѧ так҇ н̑о да речеши ми что толкуетсѧ і҆ю҆деин і҆ е҆вреин꙽ и҆ і҆ил҃ьтѧнин і҆ ащ ѹб вс҇ѣ рещи рци е҆му сѐ о҆брѣте и҆мѧ свое ащ ли не о҆брѧщет рещи • да не гл҃еши и҆но слово н̑о рци е҆му и҆ди пръвїе нау҆чис҇ как҇ нарищис҇ і҆ тогда пріиди і҆ гл҃ю с тобою о҆ вѣрѣ е҆сть ж трїемъ и҆менем сим толковане сѐ е҆вреин толкꙋетсѧ прѣшелникъ сѝрѣчь прѣходникь • ꙗ҆ко пре́иде мо́ре і҆е҆рдан і҆ю҆деинъ ж толкꙋетсѧ и҆сповѣдане і҆и҃ль толкꙋетсѧ ѹ῎мъ зрѧ б҃а понеж тии преж всѣх ѧ҆зы́къ ба҃ познашѧ а҆враамь ж прешелникъ толкꙋетсѧ. зане преиде ѿ межрѣчїа въ і҆ю҆дею а҆ ізиль [і҆ерс҇лим] толкуетсѧ зрѣнїе смирена. г҃ь саваѡѳ смирител гь҃ воем • о҆санна въ вышних сѝрѣчь сп҃си иж въ вышних. гора кꙋпина. гора синаискаѧ толкꙋетсѧ. моѷсеи е҆гѵ́петскы. вода и҆ дрѣво • понеж въ древѧнѣ ковче́ѕѣ о҆брѣтес҇ въ водѣ • а҆ а҆рѡн || (л. 136об.) толкꙋетсѧ еж ѿ горы салим мѣсто бїет толкꙋетсѧ. і҆ѡ҃а е҆вреиско и҆мѧ толкꙋет же с҇ гв҃и послꙋшливь • і҆ блгдт꙽ гн҃ѧ • понеж тъи хотѧше предтещи • і҆ проповѣдати г҃а і҆с҃ сп҃съ толкꙋетсѧ виѳлеѡм дом хлѣба зане тамо родис҇ нбс҇ныи хлѣбъ хс҃ б҃ъ наш і҆е҆рдан схожене е҆го понеже тамо сниде х҃с. и҆ крс҇тисѧ тъи ес҇ хс҃ сн҃ъ бж҃їи спс҇нїе хрс҇тїа́нское і҆ю҆деѡм погибел і҆ е҆ллинѡм разрꙋші῎тел и҆ і́долом потребленїе •