О алеѯандрїи

Submitted by admin on Sat, 03/10/2018 - 00:45
Номер типографский азбуковник
422.00
Номер типографский азбуковник2
422.00
РГБ, Тих.338

[см. ниже]

РНБ, Сол. 18/18

00295. О҆ а҆леѯандрїи. А҆леѯандри́я град сла́вен, і҆ и҆зрꙗ́ден҇. поставле́ние вели́каго цр҃ꙗ а҆леѯа́ндра макидо́ньского. в красови́том мѣ́сте на брегꙋ̀ морском чермна́го мо́рꙗ. о҆днѣм ꙋ῎глом в мо́ри стоит. с обѣих сторон҇ приста́нища. о҆дно̀ кора́бленое. дрꙋго́е катаржное. коз. граѳ҇. гл. ѯ҃г. А҆ ѿ цр҃ꙗгра́да мо́рем хо́дꙋ до а҆леѯандри́а, ҂а҃т. А҆ тꙋрки нн҃е называ́ютъ. скон҇дыри́а. А҆ верстъ счита́ютъ, ҂ас҃к. Во а҆леѯандрїи же патриа῎рхъ а҆леѯандрїискїи таковꙋ̀ ти́тлꙋ и҆мѣ́ет кирил бж҃їею млс҇тию ст҃ѣ́йшїи і҆ всеблаже́ннѣйшїи па́па і҆ патриархъ вели́каго бж҃ия гра́да а҆леѯандрїи, ливїи, пентапо́ля, е҆фио῎пий, и҆ все́й землѝ е҆ги́петстѣй отц҃ъ отц҃е́въ, и҆ сꙋдиꙗ̀ всего̀ ми́ра а҆леѯандрїистїи е҆пи́скопи от дре́вних во двоих диꙗ҆ди́мах, ниж, сх. ум҃ѕ. і҆ с двѣма̀ е҆питрахи́лꙗми литꙋргиса́ют, и҆ нари́чются па́пою, и҆ патриархом, и҆ сꙋдие́ю вселен҇ским. о҆ сем про҇ркъ і҆е҆зеки́иль про҇рчествова, гл҃я, и҆ сотворю̀ сꙋды̀ во а҆леѯандрїи • а҆ в гре́ческом. и҆ сотворю̀ сꙋд во е҆ги́птѣ, и҆ разꙋмѣ́ют, ꙗ῎ко а῎зъ е῎смь гс҇дь е҆ги́пет со а҆леѯандри́ею е҆ди́но, и҆ близ себѐ гра́ды сия̀, и҆ патриа῎рхꙋ а҆леѯандрїискомꙋ подлежа́тъ, и῎х же та́мо нача́сте сꙋ́дит • от сего̀ разꙋмѣ́ти и῎мамы, ꙗ῎ко не от вре́мене кири́ла а҆леѯандрі́искаго сию̀ вели́кꙋю печа́ть и҆ прерога́тꙋю, патриа῎рси а҆леѯандрі́истий но́сят, н̑о е҆щѐ і҆ а҆фана́сия ст҃го а҆леѯан҇дрїискаго па́пою нарица́хꙋ, ꙗ῎ко же гл҃етъ въ а҆пологи́ях соборных, и҆ пахимерес҇ в парафра́сео῎сѣ, на дио҆ни́сиа, зачем престол а҆леѯандрїиский, и҆ вселе́нскими собо́ры, и҆ с своим патриаршествомъ || (л. 61) почтен҇ е῎сть. в первом нике́йском, ѕ҃. е. в халкидон҇ском, к҃и. е҃. въ, ѕ҃ м. констанинопо́льском, л҃ѕ. е. толкъ. А҆леѯандри́я, е҆вре́йски, но̀. гнѣ́вом запале́нь[я] [е], и҆лѝ заборонен҇е, и҆лѝ твердое, и҆лѝ подражне́нье, и҆лѝ подноше́нье темностей е҆лин҇ски. подпоможе́нье мꙋже́й, и҆лѝ сꙋд мꙋ́жеский, и҆лѝ на мощнѣ́йшаго мѣ́сто сꙋдо́въ въ е҆ги́птѣ. е҆зек҇. л҃. сх, д҃і. и҆, ѕ҃і.

л. РНБ, Сол. 18/18

л. 59об., 61