О амазаниках

Submitted by admin on Mon, 02/26/2018 - 18:18
Номер типографский азбуковник
165.00
Номер типографский азбуковник2
165.00
БАН, 33.9.1

00131. [Г҃Ι] О҆ а҆мазани́ках. [криниц. гл. к҃з. козмограѳ. гл҃ва̀. ѕ҃.] А҆маѕани́ка страна̀, прилежит предѣ́лом і҆ндѣ́йским • а҆ царствꙋют в не́й е҆ди́ны дѣ́вки чи́сты, нарица́емыя а҆маѕани́ки. повѣ́даша же о҆нѝ о҆ себѣ̀ цр҃ю а҆леѯа́ндрꙋ македо́нскомꙋ, ꙗ῎ко на о῎ной странѣ̀ а҆маѕо́нскиꙗ рѣкѝ живꙋт, посреди же ѕемлꙗ нашея о῎бласть е῎сть, всего̀ же лѣ́та і҆мѣ́юще обход. рѣка́ же нш҃а не и҆мѣ́юще нача́ла. е῎сть же нас҇ числом дв҃цъ живꙋ́щих во о҆рꙋ́жий, к҃з. тем. мꙋ́жескаго же по́лꙋ нѣ́сть ꙋ нас҇ ни е҆ди́наго. му́жи же на о῎ной странѣ̀ рѣкѝ живꙋт [і҆ ꙗ῎ко скот безслове́сныи е҆ди́ною в лѣте к весненым дн҃ям о҆земствовани бꙋ́дꙋт.] ѕемлю собира́юще. мы же по всꙗ лѣ́та творим торжество бию́ще конꙗ, і҆ жрꙋще ди́е҆ви бг҃ꙋ, і҆ поси́донꙋ, и҆ ѳе́стови, и҆ а҆ре́й, дн҃ий, л҃. е҆смы же і҆ нестригꙋ́ще влас҇ главы̀ своея̀. і҆ е҆ли́ко же их постри́щисꙗ хотꙗт. [которым же от них ѕаченшим во чревѣ, па́ки разбѣгнꙋтся, е҆смы же и҆ несторигꙋще влас҇ главъ своих, и҆ е҆ли́цы от нас҇ восхотят постри́щися, то̀ тїи] і҆ и҆дꙋт на о҆нꙋ̀ странꙋ̀ нѣ́киꙗ же хощꙋт та́мо і҆ пребывают ꙋ них. || (л. 56об.) і҆ же́скъ пол҇ е҆ли́ко сꙗ их а҆ще родит, і҆ бꙋ́дет седмѝ лѣт, і҆ провожаютдꙗ к нам. [а҆ мꙋ́жески пол погꙋбля́ют •] мы́ же живем хранꙗ́ще дѣ́въство нш҃е • е҆гда̀ же ра́тний прии́дꙋт не странꙋ̀ нш҃ꙋ, і҆ восхо́дим проти́вꙋ их на ко́нех. в҃і. тем. а҆ про́чаꙗ двц҃и стрегꙋт о῎строва. і҆ прихо́дим проти́вꙋ ра́тным на́ гору • мꙋ́жие же і҆сполчи́вшесꙗ і҆дꙋт позадѝ нас҇ • да ка́ꙗ же в бранѝ ꙋ҆ꙗ́звена бꙋ́дет двц҃а, покланꙗ́ема быва́ет от нш҃ея ста́рости, вѣнча́на прс҇но и҆ па́мꙗтна бу́дет • і҆ е῎желѝ а῎ще падет в брани возбранꙗ́ющи, і҆лѝ приближа́ющисꙗ. сиꙗ̀ і҆мѣ́ние прии҆ма́ет нема́ло сꙋ́ще • а῎ще лѝ кт̑о принесет тѣ́ло проти́вных во о῎стров҇ нш҃ъ, предлежит о҆ сем ѕла́то і҆ сребро̀ і҆ бра́шно • да о҆ сем живꙋт, ꙗ῎ко же ра́доватисꙗ нам, і҆ подвиѕа́тисꙗ о҆ свое́й сла́вѣ • а῎ще лѝ проти́вника і῎мет кт̑о. того̀ вꙗ́щ҇ща і҆мѣ́нием почтꙗт. а῎ще лѝ побѣ́гнет кт̑о, срам себѣ̀ о҆ставлꙗ́ют на вс̑ꙗ лѣ́та || (л. 57) і ҆понос҇. а῎ще лѝ нам о҆долѣ́ют, нѣ́сть ди́вно ꙗ῎ко женам бꙋ́дꙋт о҆долѣ́ли •

л. БАН, 33.9.1

л. 56–57

РГБ, Тих.338

00115. [Г҃І] О҆ а҆мазани́ках. [криниц҇, гл. к҃з. кос҇. граѳ҇. гл. ѕ҃.] А҆маѕани́ка страна̀,

л. РГБ, Тих.338

л. 29–29об.

РНБ, Сол. 18/18

00113. [Г҃І] О҆ а҆мазани́ках. А҆мазани́ка страна, прилѣжи́тъ предѣ́лом і҆ндїиским. а҆ црс҇твꙋют в не́й е҆ди́ны дѣ́вки чс҇ты, нарица́емыꙗ а҆мазани́ки • повѣ́даша же о҆нѝ о҆ себѣ̀ царю̀ а҆леѯа́ндрꙋ македо́нскомꙋ, ꙗ῎ко на о῎ной странѣ̀ а҆мазо́никиꙗ рекѝ живꙋт. посреди́ же землѝ и῎хъ о῎бластъ е῎сть, всего̀ лѣ́та и҆мѣ́ти о҆бход • рѣка́ же их не и҆мѣ́юще нача́ла. е῎сть же их числом дв҃цъ живꙋ́щих во о҆рꙋ́жїи, к҃з м. тем, мꙋ́жескаго же по́лꙋ нѣ́сть ꙋ҆ них ни е҆ди́наго • мꙋ́жи же на о῎ной странѣ̀ рѣкѝ живꙋ́тъ, і҆ ꙗ́ко ско́тъ безслове́сный е҆ди́ною в лѣ́те к ве́сненым днꙗм о҆земствова́ни бꙋ́дꙋтъ. і҆ сочетова́ются со о҆кре́стными их мꙋ́жи • и҆ в т̑о вре́мꙗ творꙗт торжество̀ ве́лие. бию́ще конѝ, и҆ жрꙋ́ще ди́е҆ви бо́гꙋ, и҆ посидо́нꙋ, і҆ фе́стови, и҆ а҆ре́й, дн҃їи, л҃ • кото́рым же от них заче́ншим во́ чревѣ, || (л.52) па́ки разбѣ́гнꙋтся. влас҇ же не стригꙋ́ще гл҃въ своих. і҆ е҆ли́цы от них восхотя́тъ постри́щися, то̀ тїи і῎дꙋтъ на о῎нꙋ странꙋ̀. и҆ пребыва́ютъ ꙋ҆ них. и҆ же́нескъ пол е҆ли́кося их а῎ще роди́тъ, и҆ бꙋ́детъ седмѝ лѣт. и҆ провожда́ютъ к ним. а҆ мꙋ́жеский пол погꙋблꙗ́ютъ. о҆ни́ же живꙋ́тъ хранꙗ́ще дв҃ьство своѐ • е҆гда́ же ра́тнїи прии῎дꙋтъ на странꙋ̀ их, и҆ восхо́дꙗтъ проти́вꙋ их на ко́нѣх. в҃і. тем. а҆ про́чыꙗ дв҃цы стрегꙋ́тъ о῎строва. і҆ прихо́дꙗт проти́вꙋ ра́тным на́ горꙋ • мꙋ́жие же и҆спо́лнившеся и῎дꙋт позадѝ нас҇ • да а῎ще ка́я их в бранѝ у҆ꙗзвена бꙋ́детъ дв҃ца, покланꙗ́ема быва́ет ѿ них, вѣнча́на и҆ прс҇нопа́мꙗтна бꙋ́детъ • а῎ще лѝ ка́ꙗ падет в бранѝ возбраня́ющи, и҆лѝ приближа́ющисꙗ • сия̀ и҆мѣ́ние прии҆ма́етъ нама́ло сꙋ́ще • а῎ще л̑и кто̀ принесет тѣ́ло проти́вных во о῎стровъ их, предлежи́тъ о҆ сем зла́то и҆ сребро̀ и҆ бра́шно. да о҆ сем живꙋ́тъ, ꙗ῎ко же ра́доватися нам, и҆ подвиѕа́тися о҆ свое́й сла́вѣ • а῎ще лѝ проти́вника и῎мет кто̀. того̀ вꙗ́щше и҆мѣ́нием почтꙗт • а῎ще лѝ побѣ́гнет кт̑о, срам себѣ̀ о҆ставлꙗ́ютъ на вся̀ лѣ́та, и҆ понос҇ • а῎ще лѝ им о҆долѣ́ютъ. нѣ́сть ди́вно ꙗ῎ко женам бꙋ́дꙋтъ о҆дѣлѣ́ли •

л. РНБ, Сол. 18/18

л. 51об.–52