00550. Предсло́вїе и҆мен члч҃ескихъ •
Пе́рвых родо́въ і҆ времен члц҃ы, бы́вшеи преж зако́на і҆ в законѣ, е҆ще́ же и҆ въ блгдти, до нѣкоего времене, || (л. 29об.) даѧ́хꙋ дѣтем своим и҆мена̀, ꙗ῎ко ж ѿц҃ъ, и҆ли мт҃и о҆троча́те и҆зволит. ѡ῎ва ѿ взо́ра і҆ естества̀ дѣ́тища. і῎на же ѿ вре́мене. и҆ і῎на ѿ вещи. или ѿ притча • І҆ ѿ взо́ра се ес҇ и῎мѧ разꙋмѣвъ ѿц҃ъ ѿ взора і҆ естества̀, мꙋ́жествено быти о҆троча̀, нарицаше і῎мѧ е҆мꙋ̀ а҆ндре́о҆съ. по е῎ллински бо а҆ндре́о҆съ мꙋжество гл҃етсѧ • Ѿ вре́мени же, се ес҇; разделѧ́емѣ по пот<оп>ѣ землѝ, во́ времѧ о῎но роди́сѧ е҆ве́рꙋ сн҃ъ, і҆ наречен быс҇ фале́къ. по е҆вре́иски бо ѳалек раздѣле́нїе гл҃етсѧ; Ѿ притча же се е῎сть, мт҃и во́ чревѣ ноносѧ́щи о҆троча̀, сном не бѣ̀ о҆держи́ма. и҆ ро́ждьшꙋсѧ о҆троча́те, наречѐ и҆мѧ е҆му грїгорїосъ. по гре́чески бо григо́рїосъ бо́дрость [безсо́нїе.] || (л. 30) гл҃етсѧ • Ѿ́ вещи же се ес҇, в ри́мѣ ес҇ древцѐ лаѹ҆ре́нцыо҆съ гл҃е гл҃емо, велмѝ блг҃оѹ҆ха́нно, и҆ ѿ него̀ нарица́ют и҆ дѣтемъ и҆мена̀ лаѹ҆ре́нтїе • Е҆гда́ же просвѣти г҃ь бг҃ъ вселе́ннꙋю ст҃ым крщ҃енїем, и҆ прїѧт црк҃вь бж҃їѧ, ѿ ст҃ых а҆пс҇лъ и҆ ст҃ых ѿц҃ъ преда́нїе но́выѧ блгдти. ѿто́лѣ не ꙗ῎ко же ѿц҃ъ и҆лѝ мт҃и и҆зво́лит, нарече́нїе прїе́млем. но нари́чемсѧ и῎менем ст҃го е҆го же па́мѧт прилꙋчитсѧ быти во ѡ҆смы́и дн҃ь по рожденїи нш҃ем. И҆ за сѐ нам сло́вѧном невѣдомо нынѣшних и҆ме́нъ толкованїе. е҆же что толкꙋетсѧ а҆ѳонасїе и҆ а҆нто́нїе и҆ кли́ментъ и҆ маѯим, и҆ про́чаѧ. Понеж т̑а и҆мена̀ о῎ва сꙋть греческа о῎ва || (л. 30об.) е҆ги́петска, і҆ о῎ва римска, і҆ и῎ных разных ꙗ҆зык • Ко́йждо бо ст҃ыи ѿ кое҆го ꙗ҆зыка родом бѣ, тѣм ꙗ҆зыком во ст҃ъцех и҆мѧ его̀ і҆ напи́сано •
Потребна же сꙋт сих толкова́нїѧ хотѧ́щим составлѧ́ти тропарѝ и҆ кондакѝ, иж в рꙋсѝ но́вым чюдотворцам, ради тезои҆менитства,• Слы́шим бо ѿ древних канонотво́рцевъ, а҆ндрѣѧ, мꙋ́жествꙋ тезои҆менита. ѳео῎дора же дарꙋ бж҃їю. васи́лїѧ црс҇твꙋ тезои҆мени́та. си́це и҆ прочих • Ѕлочестивых же и҆мена̀ о҆бьꙗ҆влена̀, е҆ще́ же и҆ бѣсо́в꙽скаѧ вїны ради сеѧ̀. дабы̀ кто ѿ невѣденїѧ не́ прїнѧл бѣсо́в꙽скаго и῎мене а῎ки бж҃їѧ • и῎бо волхвы и҆ чародѣи во || (л. 31) скве́рных их мл҃твах о҆бы́чаи и῎мѹт бѣсо́в꙽скаѧ и҆мена̀ призыва́ти над ꙗ῎дїю і҆ питїем, и҆ давати т̑а цѣли́мым ѿ них. и҆лѝ на хартїи напїса́вше повелѣвают т̑а на пе́рсех носи́ти. и҆ тѣм гꙋбѧт дꙋ́ши неразꙋмных чл҃къ. конец предсло́вїю •
л. 29–31
00656. [П҃И] Предисло́вие и҆мен҇ члв҃ческих зд̑ѣ, по бꙋ́квамъ пи́саны.
Первых родов҇ и῎ времен҇. члв҃цы быв꙽шеи прежде закона и῎ сущеи в꙽ ѕаконѣ и῎ во бл҃годати. до нѣкое῎го вре́мени даꙗ῎ху дѣтем҇ своим҇. и῎мена ꙗ῎ко же отц҃ъ и῎ли мт҃и о῎трочате ізволит. и῎ли от вѕо́ра и῎ е῎стества дѣтища. и῎ли от времене и῎ли от вещи. и῎ли от притча. И҆ от взора їмꙗ е῎сть раѕумѣв҇ ѿц҃ъ от вѕора и е῎стества мꙋжествен҇но быти отроча. нарече и῎мꙗ емꙋ он҇дрѣи, по е῎ллин꙽ски бо. ан҇дреос҇, ||
л. 91–
00653. Предисло́вие и҆ме́нъ члв҃ческихъ •
Первых родов҇ і҆ времен҇ члц҃ы,
л. 101об.–103об.
00646. Предисло́вие і҆мен҇ члв҃ческих •
Пе́рвых родов҇ і҆ времен҇ члв҃цы,
л. 52–52об.
00877. Предисло́вие и҆ме́нъ члв҃ческих.
Первых родо́въ
л. 83–83об.