0114. [пролог҇] ел А҆рїи Ⓣ в꙽ дре́вних родех безꙋ́мнїи е῎ллини впадше во многобо́жїе, нареко́ша себѣ̀ [дѣѧн м҃] бога́ми нѣкїѧ человѣки, вол꙽хвы сꙋ́ща и҆ чародѣ́ѧ ꙗ῎же сꙋть сїѧ̀ • А῎рїѧ. а҆скли́пїѧ. дїѧ. дїо҆ни́са. е҆рмїѧ. кро́на. зеве́са. і҆ про́чаѧ таковы́ѧ • Тако же і҆ нѣ́кїихже́нокъ || (л. 23об.) нареко́ша себѣ̀ боги́нѧми. блꙋдниц сꙋщих, и҆ волхви́цъ и҆ чародѣе҆къ. ꙗ῎же сꙋть сїѧ. а҆ртеми́да. а҆ѳи́на. а҆ста́рта. и῎ра • і҆ про́чаѧ таковы́ • и того ради и҆ ко ст҃ым мч҇нком гл҃ахꙋ, пожрѝ бг҃ꙋ а῎рїю. і҆лѝ дїю. і҆лѝ дїо҆нисꙋ. і҆ и῎нѣмъ таковым • Вѣ́ждь же и҆ сѐ, ꙗ῎ко а῎рїѧ два̀ бѧхꙋ • А῎рїи бо е҆го́ же бо́гом нарица́хꙋ е῎ллини, то́и бѣ пред мно́гими лѣты е῎же по́ плоти хв҃а ржс҇тва. дрꙋгїи же а῎рїи бѣ е҆ретик҇, в лѣта ҂е҃ѡ҃, иі҃ • е҆го же ст҃їи || (л. 24) ѿц҃ы проклѧ́ша на пе́рьвом ст҃ом вселе́н꙽ском собо́рѣ • толкꙋ́ет же сѧ а῎рїи ꙗ῎рость. і҆ гнѣвли́въ • и҆ де́рзъ в꙽ бра́ни <место>
л. 23–24
Азб6, Соф. 1567, 23–24