Предисло́вие толкова́нию и҆ме́нъ чл҃ческих

Submitted by admin on Mon, 06/07/2021 - 13:11

Номер Азб2

450.00

РГБ, ф.173-III, МДА, 93

0450. Предисло́вие толкова́нию и҆ме́нъ чл҃чески^х, ѧ῎же здѣ по бꙋква^м пи́саны;

Пре́ж^де у῎бо словꙗ́не е҆щѐ су́ще пога́ни не и҆мꙗ́хꙋ кни́гъ, поне́же не разꙋмѣяхꙋ писа́нїꙗ. и҆ того̀ ра^ди и҆ дѣте^м҇ свои^м҇ дая῎ху и҆мена̀. ꙗ῎ко ^ж восхоще^т || (л. 37об.) ѡ҆те́цъ и҆ли ма́ти дѣти́щꙋ, ꙗ῎ко ^ж суть сия̀. богда́нъ, бажѣнъ, второ́й, третїꙗ῎къ, и҆ про́чая подо́бная симъ. ꙗ῎же н҃нѣ про́звища и҆мꙗну́ю^тсꙗ. добра̀ су^т и҆ та̀. Но ѡ҆ба́че но́щи невѣрия и^х мимоше^дши, свѣ́ту же бг҃оразꙋ́миꙗ и῎сти^н҇наго в ни^х восиꙗ῎вшу, члк҃олю́бны^м҇ про́мысло^м҇ всеще^драго бг҃а ре́кша^г҇, Нареку̀ не́ люди моꙗ̀ лю́ди моꙗ̀. і҆ невозлю́бле^н҇ная возлю́бленна; блг^дти ра^ди ста^г҇ крщ҃нїꙗ. словꙗ́не прие῎мше ст҃ы́ꙗ кни́ги, послѣдоваша во все^м҇ преда́нїю сты҃я собо́рныꙗ и҆ а҆п^с҇льскиꙗ црк҃ви. И҆ ѿто́ле любꙗ́ще и҆ почита́юще ст҃ы́ꙗ х^с҇вы у҆го^дники. Нача́ша и҆ дѣтемъ свои^м҇ даꙗ῎ти и҆мена̀, во́ и҆мꙗ ст҃а́го настоꙗ῎ща^г҇ вре́мени, в не ^ж дѣтищъ роди́тсꙗ; І҆ того̀ ра́ди неу҆до́бьвѣ́домо на́мъ нн҃ѣшни^х и҆менъ на́ши^х толкова́нїѧ. и҆ли по коему ꙗ҆зы́ку ко́^ждо на^с҇ нари́че^тсꙗ. Не бо̀ по е҆ди́наго ꙗ҆зы́ка гре́ческаго нарече́нїю нари́чемся, Но ѿ мно́ги^х ꙗ҆зыкъ. поне^ж б̑о ко́иж^до ст҃ы́ї ѿ кое^г҇ ꙗ҆зы́ка родо^м бѣ по тому̀ ꙗ҆зы́ку і҆ и῎мꙗ е҆го въ ст҃ьца^х пи́шетсꙗ; А῎ще и҆ петра̀ а҆п^с҇ла е҆вре́енина су́ща, ѡ҆брѣтае^м҇ по гречески и҆мяну́ему, н̑о у῎бо і҆ е҆вре́йское || (л. 38) и῎мꙗ е҆го̀. Та́ко ^ж ѡ҆брѣта́е^тсѧ в꙽ кни́га^х е῎же нарица́ти^с҇ е҆му ки́фа и҆ си́монъ. Сего̀ ра́ди у῎бо потре^бно е^с҇ и҆ та̀ с про́чими и҆ностра́нны^х ꙗ҆зы́къ рѣчмѝ здѣ тол꙽кова́ниемъ и^зѡ҆брази́ти. да у҆вѣмы что е^с҇ кое҆гож^до ст҃а́го и҆ праве^днаго теѕои῎ме^н҇наꙗ похвала̀. ѡ҆брѣта́емъ бо в꙽ писа́нїихъ; [ни^ж, тʹ] А҆ндре́ѧ му^жству тезои҆менита. Васи́лїꙗ цр^с҇тву. петра̀ ка́менꙗ вѣры и҆мꙗну́ема. а҆ нико́лу побѣды тезои҆мени́та; А҆ злочести́вы^х и҆мена̀ толко́ваны того ра^ди, да разꙋмѣе^м҇ тѣхъ тезои῎менную у҆кори́зну. ѡ҆брѣта́емъ б̑о в писа́нїихъ; [ни^ж, тʹ] А῎риꙗ гнѣву и҆ ꙗ῎рости и҆ де́рзости тезои҆мени́та. А҆ константи́на копрони́ма тезои῎ме^нна мотылѣ [калу], и҆ гное тезонари́чема; А҆ бѣсо́в꙽скаꙗ нарица́нїя толко́ванны сего̀ ра́ди. Поне́же мно́зи ѿ человѣкъ приходꙗ́ще к вол꙽хво^м и҆ чародѣе^м, и҆ прие῎млю^т ѿ ни^х нѣкаꙗ бѣсо́в꙽скаꙗ ѡ҆баꙗ῎нїꙗ и҆ наю῎зы, и҆ но́сꙗтъ и^х на себѣ. А҆ и҆на́ꙗ бѣсо́в꙽скаѧ и҆мена̀ призыва́юще вол꙽хвы и҆ чародѣи на^д ꙗ῎ствою и҆ на^д питие῎мъ, и҆ даю῎тъ ꙗ҆̀ вкуша́ти просто́й ча́ди. и҆ тѣмъ губꙗ^т душа̀ человѣческаѧ; І҆ того̀ ра́ди та̀ здѣ впи́саны. да вся́кому правосла́вному || (л. 38об.) хр^с҇тиꙗ῎нину ꙗ῎ве бу́де^т и῎мꙗ во́лчье, да нѣкто невѣ́дыї и῎мꙗ во́лчье в꙽мѣсто а῎гн҃ча приі῎ме^т неразꙋ́миемъ, мнꙗ̀ то а῎гньчее бы́ти, и҆ тѣмъ в꙽мѣсто свѣ́та тмꙋ̀ у҆державъ дш҃ꙋ свою̀ погуби^т, ѡ҆ се́мъ довлѣю^т сиꙗ.