0169. Ѡ҆ А῎спидѣ глꙋхомъ; А῎спида е῎сть ѕмиꙗ̀ крила́та. носъ и҆мѣет пти́чей, и҆ два̀ хобота, а҆ в ко῎ей землѝ вселитсѧ, ту̀ зе́млю пу́сту ꙋ҆чинит. живет в горах ка́менных. не лю́бит же тру́бнаго гла́са. пришедше же ѡ҆баꙗ῎ницы, ѡ҆баꙗ῎ти ю҆̀, и҆ копа́ют ꙗ῎мы. и҆ садꙗ́тсꙗ въ ꙗ῎мы с труба́ми, и҆ покрыва́ютсꙗ дном желѣзным. и҆ ѕама́зывают сун꙽кли́том. и҆ ста́вꙗт у҆ себѐ у῎глие горꙗ́щее, д̑а раѕ꙽жига́ют клещѝ. и҆ е҆гда̀ вострꙋбꙗтъ, тогда ѡ҆на̀ ѕасви́щет ꙗ҇ко горѣ потрꙗстисꙗ. и҆ прилѣте́вши къ ꙗ῎мѣ, у῎хо своѐ положит на́ ѕемлю, а҆ дрꙋго́е за́тнет хо́ботомъ. и҆ нашед дирꙋ̀ ма́лу на́чнет би́тисꙗ. члв҃цы же у҆хвати́вше е҆ꙗ̀ клеща́ми горꙗ́щими де́ржат крѣпце. ѿ ꙗ῎рости же е҆ꙗ̀ сокрꙋша́тсꙗ клещѝ не е҆дины, н̑о и҆ дво́и, и҆ли тро́и. и҆ та́ко сожжена̀ клеща́ми у҆мира́ет. а҆ ви́дом ѡ҆на̀ пестра̀ в꙽сꙗ́кимъ цвѣтомъ. а҆ на ѕемлѝ не сади́тсꙗ то́кмо на ка́мени. сему а῎спиду ꙋ҆подо́би||(л.32)шасꙗ жи́дове. ѿ ѕа́висти б̑о не хотꙗ́ще дш҃есп҃си́тел҇наго поу҆че́ниꙗ слы́шати. затыка́хꙋ у῎ши своꙗ̀, ꙗ῎ко ж ѡ҆ них предгл҃ет двд҃ъ про҇ро́къ вопїꙗ. ꙗ῎ко ꙗ῎спид глухїи ѕаты́ка́ꙗй у῎ши своѝ, е῎же не слы́шати гла́са ѡ҆бава́ющих. ѡ҆бава́емъ ѡ҆бава́етсꙗ ѿ премдра, и҆ про́чаꙗ.
л. 31об.–32