На о῎бразѣ сшествїѧ стг҃о дх҃а, пи́шетсѧ, Чл҃къ сѣдит в те́мнѣ мѣстѣ

Submitted by admin on Sun, 12/20/2020 - 12:55
Номер Шестой Азбуковник
1919.00
РНБ, Соф.1567

1919. На о῎бразѣ сшествїѧ стг҃о дх҃а, пи́шетсѧ, Чл҃къ сѣдит в те́мнѣ мѣстѣ • ста́ростю о҆держи́м • ри́за на нем червлена̀ • і҆ вѣнец || (л. 187об.) црс҇кїи на главѣ е҆го̀ • в рꙋка́хъ и҆мѣѧ ѹ҆брꙋсъ бѣлъ; і҆ в нем ві҃ сви́тков҇ • Ⓣ члкъ ес҇ весь мир •ста́ростїю о҆держим понеж престарѣлсѧ а҆да́мовым преступлением • А҆ е҆же в те́мнѣ мѣ́стѣ, понеже весь мир бѣ во тмѣ̀ невѣрїѧ • Ри́ѕа же червлена̀, прїноше́нием꙽ кро́вных же́ртвъ к бѣсо́мъ • А҆ е῎же вѣнец црс҇кїи на главѣ е҆го̀, понеж тогда̀ црс҇твоваше грѣх в мирѣ, і҆ на несогрѣшших • бѣлыи же у҆брꙋсъ, блгдть стг҃о дх҃а излиꙗ῎вшаѧсѧ в꙽ срдца̀ ст҃ых а҆пс҇лъ • е҆ю῎ же просвѣщ꙽шесѧ, ве́сь миръ у҆чением своим || (л. 188) просвѣти́ша • двана́десѧть же свиток҇, то ѕнаменует, ві҃.тих, а҆пс҇лъ • у҆че́нїѧ •

л. РНБ, Соф.1567

л. 187–188