1379. [ψлм҇ а҃] Ѱалты́рь Ⓣ в жидовх бѣ нѣкако сосѹд ѹ҆строен҇, ꙗ῎ко ж бы домра̀ • і҆ на нем навѧѕывахꙋ де́сѧть стрꙋнъ • і҆ и҆гра́хꙋ во ѱалтыр то́и с гꙋсльми купно • Ст҃ыи же цр҃ь дв҃дъ бг҃оѡ҆ц҃ъ • ст҃ым дх҃ом движим • вмѣсто древѧна́го того сосꙋ́да соста́ви кни́гу • і҆ наречѐ ѱа||(л.148)ѱалты́рем • толкует же сѧ ѱалтырь пѣсневец • жи́дове бо древле в꙽ древѧныи ѡ῎нъ ѱалты́рь и҆гра́юще припѣвахꙋ пѣсни • И҆ того ради ѱалтырь их нарцашес҇ пѣсневец҇ • Слыши же что нам хрс҇тїѧном нн҃ѣ вмѣнѝ г҃ь б҃ъ вмѣсто жидов҇ских гꙋдебных і῎гръ •\\ вмѣсто древѧна́го жїдов҇скаго десѧтострꙋннаго ѱалтырѧ. дарова̀ нам ст҃ꙋю книгꙋ ѱалтырь • ꙗ҆же толку́етсѧ ѹ῎мъ • вмѣсто десѧти стрꙋнъ, вмѣнѝ нам г҃ь де́сѧть чюв҇ствъ нш҃их • пи́шет бо сѧ • во || (л. 148об.) ѱалты́ри десѧтострꙋ́ннем по́ите е҆му • Вмѣсто гу́слеи, вмѣ<> нам г҃ь, мы́сли добрыѧ • вмѣсто о҆рга́на, дꙋ́ма до́браѧ ꙗ῎же к꙽ бг҃ꙋ • вмѣсто кимва́ла, глас҇ • вмѣсто трꙋбы̀, го́рло • вмѣсто тимпана и῎мамы о῎браз создавшаг҇ нас҇, творца̀ і҆ бг҃а нш҃го • о҆ сем доѕдѣ прекрати́м сло́во •
л. 147об.–148об.