Кра́егранесъ

Submitted by admin on Wed, 10/07/2020 - 11:13
Номер Шестой Азбуковник
865.00
РНБ, Соф.1567

0865. [маѯим грек҇] Кра́егранесъ Ⓣ нача́лныѧ пи́сма стихов҇ • Кра́е бо начало • А҆ гранесъ стих гл҃етсѧ • Древнїи бо канонтворцы̀ пре́же составлѧ́хꙋ стро́кꙋ краегране́снꙋю, і҆ та́ко по неи составлѧхꙋ кано́ны • К первому стихꙋ кано́нному, пе́рвое пи||(л.105об.)смѧ полага́юще • А҆ ко второ́му стихꙋ̀, второ́е писмѧ в нача́ло полага́юще • И҆ та́ко по́ рѧ<> и҆ про́чаѧ пи́сма строки тоѧ взе́млюще к꙽ про́чим кано́нным сти<> в нача́ло полагают • І҆ е҆ли́ко в꙽ краегране́снои то́и строкѝ сло́въ, тѡли́ко і҆ стихо́въ в кано́нѣ том • Но нам словѧ́ном греческих творцев҇ краегранеси невѣдомы • понеж невѣ<до>мы рѣчи греческаго ꙗ҆зыка • О҆ни́ бо по е῎ллин҇ску ꙗ҆зы́ку составлѧ́хꙋ гранеси • Ꙗ҆ко же с̑е • По гре́че||(л.107)ски а҆каѳистову кано́ну начало кра́егране́си, хара́с꙽ • А҆ по рꙋски радости • И҆ того ради канону тому̀ • в нача́лѣ пе́рваго стиха̀ хѣръ • А҆ в началѣ втора́го стиха̀ а῎зъ • А҆ третїему стихꙋ в началѣ рцы̀, а҆ по рꙋски цы • По гречески бо, родосъ • А҆ по рꙋски, цвѣте • тако и҆ прочим стихом по рѧду краегране́стнїи стихи пи́сма в началѣ поставлꙗ́е҆ми • И҆нїи же творцы̀ стихѣры и҆ кано́ны по а҆збꙋки составлѧ́хꙋ • Ꙗ҆ко ж і҆ ꙗвлѧют нам о҆смѝ || (л. 107об.) гласов҇ • стихо́венныѧ стхры воскрс҇ныѧ • о҆ них же скаѕано [ниж п] в писмѣ̀ нарица́е́мом покои • А҆ще ли ж творец кано́на и҆зво́лит составити стихов҇ в кано́нѣ число́м болшѝ краегране́сных • т̑о полага́ше пи́сма свое҆го и῎мене в꙽ краегране́си • И҆ та́ко соверша́ше канон҇

л. РНБ, Соф.1567

л. 105–107об.

Такс_Шестой