Же́ртвы о҆дш҃евленыѧ, и҆ всесожже́нїѧ слове́снаѧ

Submitted by admin on Sun, 10/04/2020 - 16:58
Номер Шестой Азбуковник
616.00
РНБ, Соф.1567

0616. [из о҆хта́ѧ] Же́ртвы о҆дш҃евленыѧ, и҆ всесожже́нїѧ слове́снаѧ • Ⓣ [дороѳ. ѳ҃і] е҆гда̀ кто со и҆мѣнием своим прносит бв҃и і҆ ѿ плоти своеѧ̀, чт̑о • Постъ и҆ жа́ждꙋ и҆ бдѣнїе и҆ чс҇тотꙋ і҆ любов҇ • и҆ про́чаѧ трꙋды̀ тѣле́сныѧ • с̑е ес҇ же́ртвы слове́снаѧ, а҆ не всесожженїе • понеж е҆щѐ || (л. 84об.) не всего̀ себѐ гв҃и прїнесѐ, в ми́рѣ живѧ с женою и҆ с дѣтми і҆ и҆мѣнїю подлежа • о҆баче и҆ таковыи нари́четсѧ же́ртва о҆дш҃евленаѧ • Е҆гда̀ же кто бг҃а ради о҆ста́вит женꙋ̀ и҆ все и҆ дѣти и҆ все и҆мѣнїе і҆ пристра́стїе ми́ра сего̀. і҆ воѕлюбив҇ чс҇тоту̀ и҆ цѣломдрие. і҆ бꙋдет мних꙽. і҆ постом и҆ жа́ждею и҆ бдѣнїем и҆ прочим ѕлострада́нием бв҃и рабо́таѧ • таковы́и наричетсѧ всесожже́нїе слове́сное • понеж бо то́и || (л. 85) всего̀ себѐ бв҃и на же́ртвꙋ прїнесѐ • Сего ради и҆ ст҃їи мч҇нцы нари́чютсѧ же́ртвы о҆дш҃евленыѧ и҆ всесожже́нїѧ словеснаѧ • понеж всѧ ꙗ῎же в жизни се́и ѹ҆ме́ты вмѣнив҇ше і҆ женꙋ и҆ дѣти і҆ и҆мѣнїѧ всѧ презрѣвше, неѹ҆клонно вда́ша тѣлеса своѧ ѡ҆гню и҆ лютым мѹкам • за́ и҆мѧ х҃а бг҃а нш҃го •

л. РНБ, Соф.1567

л. 84–85