0529. [быти в҃ и҆ г҃] Е҆дем • Ⓣ пи́ща ра́йскаѧ • вѣждь же и҆ сѐ ꙗ῎ко ра́и во е҆де́мѣ сꙋ́ть насажде́н҇ • А҆ дре́вѡ живо́тное посредѣ̀ раѧ • и҆ сѐ проѡ҆бразѹет црк҃вь хв҃а • трапе́ѕа бо ꙗ҆ко всѧ ѕемлѧ̀ • црк҃вь же по трапе́зѣ, ꙗ῎ко же ес҇ е҆дем по концѣ ѕемлѝ к востоку • по це́ркви же о҆лта́рь е҆щѐ к восто́ку • А҆ во е҆де́мѣ ра́и, та́ко же ко странѣ восто́чнеи • посредѣ о҆лтарѧ̀ прс҇тлъ, || (л. 73об.) А҆ посредѣ̀ раѧ̀ древ́о живо́тное • древле а҆дам꙽ ѿ́ древа о῎но ꙗ῎дъ ѹ῎мре; нн҃ѣ же блг҃очестивїи ѿ стг҃о прс҇тла причаща́ющес҇ бжс҇твеных та́инъ, тѣла и҆ кро́ви гн҃ѧ, о҆животворѧемсѧ; дш҃ами просвѣща́ющесѧ • и҆ тѣ́лом здра́ви быва́юще • премно́гою блгдтїю і҆ члк҃олюбїем г҃а нш҃го і҆с҃а х҃а • е҆му ж слав҇, со ѿц҃ем и҆ со ст҃ым дх҃ом • нн҃ѣ и҆ прс҇н;
л. 73–73об.