0518. [корин҇ѳом рк҃е] Е῎л꙽лины премдрости и῎щꙋщаѧ нари́чет а҆фини́ꙗ҆ны • [дѣѧн҇. м҃] тїи бо ни на что́ же и῎но та́ко ѹ҆пражнѧ́хꙋсѧ ꙗ῎ко ж слы́шати, или видѣти что новѣишее • Вѣждь же и се, ꙗко писанїе не единых аѳїниѧнъ еллинами наричет • + [+ і халдѣѧн і египтѧнъ] и то ꙗвѣ есть ѿ сего; Ꙗко, се іѡаннъ златоѹстыи родом антїохїѧ сирскїѧ • антонїи же великїи. іпахомїе • страны бѣша египетскїѧ • а ѿ родителю пи||(л.71об.)шꙋтсѧ е῎ллин҇скꙋ • тѣм же і҆ е҆ги́птѧн҇ и҆ ѿ сирїѧн҇, тако ж і҆ гре́ков҇, писа́нїе еллинами і҆менꙋет • і῎бо о҆нѝ а῎ще и҆ ро́дом не а҆ѳинїѧны бѧхꙋ, но вѣрꙋ роди́телѧ их е῎ллинску и҆мѧхꙋ • древле бо по а҆лександрѣ макидонстем с тем цр҃іеи е῎ллин҇стїи о҆блада́вше всею вселенною, по рече́нному, а῎вгꙋсту е҆диновла́стельствꙋющꙋ на ѕемли • и҆ та́ко цр҃їе е҆ллин҇ попусти́ша всѣм ꙗ҆ѕыком да коиждо держит || (л. 72) вѣрѹ ю῎же изволит • тѣм꙽ тогда̀ многим ꙗ҆ѕы́ком вѣра е҆ллин҇ска пач҇ про́чих꙽ чс҇тнѣиши мнѧ́шес҇ • і҆ того ради мно́ѕи родом халдѣѧны і҆ е҆гиптѧ<> вѣрою ж е῎ллины быша • Над сим же мнози і҆ ѿ еллин҇ преселив҇шес҇ живѧ́хꙋ во е҆гиптѣ і҆ во вавилонѣ • и҆ того ради смѣсно вси е῎ллины наричютсѧ • А҆ сꙋщїи е῎ллины иж ѿ елады пойдо́ша ѿ них же і҆ а҆ѳи́нѧны і҆ роме́ѧне прослы́ша е῎ллиными • А҆ римлѧн писа́нїе не нари́||(л.72об.)чет е῎ллинами, н̑о лати́нами •
л. 71–72об.