Епи́скоп҇

Submitted by admin on Thu, 10/01/2020 - 12:10
Номер Шестой Азбуковник
509.00
РНБ, Соф.1567

0509. [дѣѧн҇] г Епи́скоп҇ Ⓣ посѣти́тель • ст҃їи бо верхо́внїи а҆пс҇ли по вознесе́нїи хв҃ѣ еже на нб҃са̀ возлага́юще рꙋ́ки своѧ̀ на о҃,тих ѹ҆ч҃нкъ хв҃ых • рꙋкопо||(л.68об.)лага́юще их кое҆гождо во ѡ҆со́бныи град • да шед та́мо пасет ста́до хв҃о • посѣща́ѧ и҆ сꙋ́щих во ѡ҆кре́стных странах града, в꙽ ве́сех і҆ в се́лех, блг҃очести́выѧ • е῎же до́брѣ лѝ во хв҃ѣ вѣре пребыва́ют • і҆ нарекоша их посѣти́телми • А҆ по гре́чески посѣтительми • И҆ тако ѿтоле нача́ло прїѧтъ чинъ е҆пс҇пъскїи быти • І҆ пребыс҇ чинъ е҆пс҇пъскїи е҆дин҇, ѿ вознесе́нїѧ хв҃а, даже до цр҃ѧ кон҇стан҇ти́<> и҆ мт҃ре е҆го е҆ле́ны • лѣтъ, || (л. 69) ꙗ῎ко, ти҃і • [црьс҇, е҆лли] Е҆гда ж ст҃ы цр҃ь кон҇стан҇тин҇ прїѧ́тъ ст҃ое крщ҃енїе, тогда̀ ст҃лѧ силиве́стра <е҆> преж е҆пс҇па римскаго бы́вша, наречѐ па́пою • Толкует же сѧ па́па по римскї ди́вныи чин҇ • і҆ всѣх сщ҃енных чинов҇ превы́шшїи сан҇ • і҆ та́ко ѿ того вре́мене цр҃ь повелѣ па́пѣ силиве́стрꙋ рꙋкоположи́ти. д҃. патриа҆рхи • і҆ под ними повелѣ херотонисати митрополи́ты • і҆ а҆рхїепс҇пы і҆ епс҇пы • і҆ повелѣ силивестрꙋ і҆сполни||(л.69об.)ти чи́ны цр҃ковныѧ, е῎же і҆ быс҇

л. РНБ, Соф.1567

л. 68–69об.

Такс_Шестой