0190. А҆ртеми́да Ⓣ во е῎ллинех бѣ нѣкаѧ жо́н꙽ка, вол꙽хва и҆ чародѣика • і҆ толи́ко несы́тна к꙽ блꙋдꙋ̀, е҆ли́ко е῎й во е҆ди́нои нощѝ о҆скверни́ти своим скверным смѣшением м҃ члк҃ъ • сїю̀ ѕлобѣ́снꙋю несмы́сленїи е῎ллини боги́нею нарица́хꙋ • храм и҆ ка́пище еи, во е҆фе́||(л.33)сѣ гра́дѣ ѹ҆строі҆вше • Толкꙋет же сѧ а҆ртеми́да прах • Вѣ́ждь же и҆ сѐ, ꙗ῎ко в꙽ древ҇них꙽ роде́х многобо́жїе на́ три ро́ды раздѣлис҇; на е῎ллины і҆ на халдѣ́ѧны, і҆ на е҆ги́птѧны • Е҆ги́птѧны бо ꙗ῎ко несмы́сленѣе сꙋ́ще, нареко́ша себѣ̀ бо́ги, змїи, і҆ нетопырѝ, нощны́ѧ. і҆ волы̀, и҆ козлы̀; и҆ про́чаѧ жїво́тнаѧ • Халдѣ́ѧ||(л.33об.)не же ꙗ῎ко бы мнѧ́щесѧ мдрѣе е҆ги́птѧн꙽ • о҆боготовори́ша себѣ̀ нбс҇ныѧ стихі́ѧ. слн҃це и҆ лꙋнꙋ̀ и҆ звѣ́зды. і҆ о῎гнь и҆ во́дѹ, и҆ древеса̀; ꙗ῎же сотворѝ бг҃ъ на слꙋ́жбѹ, і҆ на потре́бꙋ члк҃ѡм • Е῎ллины же ꙗ῎ко бы̀ мнѧ́щесѧ премдрѣе халдѣ́ѧнъ і҆ е҆ги́птѧн. і҆ о҆боготвори́ша себѣ нѣкїѧ чл҃ки, а῎рїѧ, і҆ дїо҆ни́са і҆ артеми́||(л.34)дꙋ. і про́чаѧ, о҆ них же вы́ше речесѧ •
л. 32об.–34
Азб6, Соф. 1567, 32об.–34