Летописи

On/Off Form
Select the fields you want to display.
Title Лаврент. РНБ, F.п.IV.2 Ипат. БАН, 16.4.4 Новг. 4я. РНБ, Пог. 2035
Приде семевонъ на цр҃ьградъ 949.00

В лѣт҇. ҂ꙅ҃. у҃. л҃з.:. | Приде семевонъ на цр҃ьградъ · и поплѣни ф꙽ра|кию и̇ макидонью · и̇ приде ко цр҃юграду въ | силѣ въ велицѣ в гордости · и̇ створи миръ с ра|мономъ цр҃мъ · и възратисѧ въ своꙗ̇си.:. –

В лѣт҇. ҂ꙅ҃. у҃. л҃и.:. 950.00

В лѣт҇. ҂ꙅ҃. у҃. л҃и.:.

В лѣт҇. ҂ꙅ҃. у҃. л҃ѳ.:. 951.00

В лѣт҇. ҂ꙅ҃. у҃. л҃ѳ.:.

В лѣт҇. ҂ꙅ҃. у҃. м҃.:. 952.00

В лѣт҇. ҂ꙅ҃. у҃. м҃.:.

В лѣт҇. ҂ꙅ҃. у҃. м҃а.:. 953.00

В лѣт҇.҂ꙅ҃. у҃. м҃а.:.

В лѣт҇. ҂ꙅ҃. у҃. м҃в.:. 954.00

В лѣт҇. ҂ꙅ҃. у҃. м҃в.:.

В лѣт҇. ҂ꙅ҃. у҃. м҃г.:. 955.00

В лѣт҇. ҂ꙅ҃. у҃. м҃г.:.

В лѣт҇. ҂ꙅ҃. у҃. м҃д.:. 956.00

В лѣт҇. ҂ꙅ҃.у҃. м҃д.:.

В лѣт҇. ҂ꙅ҃. у҃. м҃е.:. 957.00

В лѣт҇. ҂ꙅ҃. у҃. м҃е.:.

В лѣт҇. ҂ꙅ҃. у҃. м҃ꙅ.:. 958.00

В лѣт҇. ҂ꙅ҃. у҃. м҃ꙅ.:.

В лѣт҇. ҂ꙅ҃. у҃. м҃ꙅ.:. 959.00

В лѣт҇. ҂ꙅ҃.у҃. м҃ꙅ.:.

В лѣт҇. ҂ꙅ҃. у҃. м҃и.:. 960.00

В лѣт҇. ҂ꙅ҃. у҃. м҃и.:.

Иде и̇горь на греки 961.00

В лѣт҇. ҂ꙅ҃. у҃. м҃ѳ.:. –

Иде и̇горь на греки · ꙗ̇ко послаша болгаре вѣ|сть ко цр҃ю · ꙗ̇ко и̇дуть русь на цр҃ьградъ · скѣ|дии̇ ·і҃· тысѧщь · и̇же придоша и̇ приплуша · | и почаша вое̇вати вифаньскиꙗ̇ страны · и | вое̇ваху по понту до а̇ръкаѣꙗ̇ · и̇ до фафлого|ньски земли · и̇ всю |  страну никомидии̇скую ·| поплѣнивше и̇ судъ весь пожьгоша · и̇х же е̇мше ѡ|вѣхъ растинаху · другиꙗ а̇ки странь поставл | ю̇ще · и̇ стрѣлѧху въ нѧ · и̇зимахуть ѡ̇паки ру|цѣ съвязывахуть · гвозди желѣзныи̇ посреди | главы въбивахуть и̇хъ · много же ст҃хъ црк҃ви | и̇ ѡ̈гнемъ предаша · манастырѣ и̇ села пожь|гоша · и̇ и̇мѣньꙗ немало ѡ̈бою̇ страну взяшѧ | потомъ же пришедъшемъ вое̇мъ ѿ въстока · | памъфиръ деместикъ · съ ·м҃·ми тысѧщь · | фока же патрекии̇ съ макидоны · федоръ | же стратилатъ съ фраки · с ними же и саино|вьницы боꙗ̇рьстии̇ · ѡ̈бидоша русь ѡколо · | съвѣщаша русь изидоша въружившеся на | греки · и̇ брани межю и̇ми бывши зьли · ѡдва | ѡ̈долѣша грьци · русь же възратишася къ дъ|(л.10об.)ружинѣ своеи̇ къ вечеру · на ночь влѣзоша в ло|дью̇ и ѿбѣгоша · феѡ̈фанъ же сустрѣте ꙗ̇ въ лѧ|дехъ со ѡ̈гнемъ · и̇ пущати нача трубами ѡ̈гнь

на лодьѣ̇ рускиꙗ̇ · и̇ быс҇ видѣти страшно чюдо · ру|сь же видѧщи пламѧнь · вмѣтахусѧ въ воду | морьскую · хотѧще ѹбрести · и̇ тако прочии въ|зъвратишасѧ въсвоꙗ̇си · тѣм же пришедши|мъ въ землю свою · и̇ повѣдаху кождо свои̇мъ ѡ̈ | бывшемъ · и̇ ѡ̈ лѧдьнѣмь ѡ̈гни · ꙗ̇ко же моло|ньꙗ̇ реч҇ · и̇же на нбс҇хъ грьци и̇муть ѹ собе · и̇ се пу|щаю̇ща же жагаху насъ · сего ради не ѡ̈долѣхо|мъ и̇мъ · и̇горь же пришедъ нача совкуплѧти | воѣ̇ многи · и посла по варѧги многи за море · | вабѧ е̇ на греки · паки хотѣ пои̇ти на нѧ.:,–

В лѣто. ҂ѕ҃. у҃. м҃ѳ.:. Иде Игорь на Грѣкы, и ꙗко послаша Болгарѣ вѣсть къ цс҇рю. ꙗко идуть Русь на Цс҇рьград. скѣдии. і. тысѧщь. иже и поидоша. и приплуша и почаша воевати. Вифаньскыꙗ страны. и плѣноваху по Понту. до Ираклиꙗ. и до Фофлагоньскы землѧ. и всю страну Никомидииску҇ю пополониша. и Судъ всь пожьгоша. ихъ же емъше ѡвѣхъ растинаху. и || (л. 17об.) другиꙗ эе сторожи поставьлѧюще стрѣлами растрѣлѧху. и изъламлѧху ѡпакы руцѣ свѧзавше. и гвозды желѣзны посредѣ головъ въбивахуть има. мьного же и ст҃хъ црквии ѡгьневи предаша. и имѣнье не мало ѡбою сторону взѧша. потомъ же пришедшемъ воемъ ѿ въстока. Панфиръ. деместикъ. съ четырми десѧть тысѧщь. Фока же патрикии съ Македоны. Феѡдоръ же стратилатъ съ Фракы. и с ними же и сановници боꙗрьстии. ѡюидоша Русь. ѡколо. и свѣщаша Русь и изидоша противу въѡружившесѧ на Грѣкы. и брани межю има бывши злѣ. ѡдва ѡдолѣша Грѣци. Русь же възвратишасѧ къ дружинѣ ствоеи к вечеру. и на ноць влѣзъше въ лодьꙗ ѿбѣгоша. Феѡфанъ же ѹсрѣте ꙗ въ ѡлѧдѣхъ съ ѡгнемь. и нача пущати ѡгнь трубами на лодьꙗ Рускыꙗ. и быс҇ вїдѣти страшно чюдо. Русь же видѧще пламень вмѣтахусѧ въ воду морьскую. хотѧще ѹбрѣсти. и тако прочии възвратишасѧ въ своꙗси. тѣмь же пришедъшимъ в землю свою. повѣдаху кождо своимъ. ѡ бывшемъ. и ѡлѧдьнемъ ѡгни. ꙗко же молоньꙗ реч҇. иже на н҃бсихъ Грѣци имуть в себе. и сию пущающе жьжаху насъ. и сего ради не ѡдолѣхом҇ имъ. Игорь же пришедъ. и нача съвокупити вои многы. и посла по Вѧрѧгы за море. вабѧ и на Грѣкы. пакы хотѧ поити на нѧ.:.

В лѣто 6449. Иде Игорь на Грѣкы, и яко послаша Болгаре вѣсть къ царю, яко идѹть Рѹсь на Царьградъ скѣдии, 30000 глаголемѣ отъ рода Варяжьска сущимъ; иже придоша и приплуша іюня въ 10, и почаше воевати Виѳаньскіа страны, и плѣняху по Понтѹ до Араклия и до Фаѳлогонскиа земли; и поплѣнівшѣ всю странѹ Нікомидиску, много же и веліе сътвориша Рѹсь, преже даиже Грѣческимъ воемь не приспѣвшимъ; тогда бо и Сѹды вси пожгоша огнемь. А ихже имше плѣннікы, тогда всѣхъ ростинаху, иныхъ же к земли присѣчахѹ, дрѹгыя же, яко стража поставляюще, стрѣлами растрѣляхѹ, елико же ратніческому чинѹ творяхѹ, и издамаху опако || (л. 6об.) руцѣ связавше, и гвозды желѣзныа посрѣде главы вбивахѹ имь; много же святыхъ церквии огнви предаше, монастыри пожгоша, и именіе много обою страну взяша. Тѣмъ же пришедшимь воемь отъ востока, Панфиръ деместикъ съ 40, Ѳока же патрикии с Макидоны, Феодоръ же стратилатъ съ Рфаки, с ними же и сановници боярьстии, и обидоша Русь около. И свѣща Русь, изидоша, въорѹжившеся, на Грѣкы, и брани межи ими бывше злѣ, и одва одолѣвше Грѣци; Рѹсь възвратишася къ дружинѣ своеи к вѣчерѹ, на ночь же влѣзоша в лодія и отбѣгоша. Романъ же посла на дромоны, елико бѣху в Константинѣ гради, с Феофаномъ с патрикиемъ на Рѹсь. Феофанъ же лодѣиныя воа ѹрядивъ преже и ѹготовивъ, потомъ же и слезами себѣ твердивь, Руси ожидаа в лодіяхъ, на ня хотя ити, искрь столпа, глагоемаго ѳоро, стражница, в неиже огнь влагаемь на просвѣщеніе в нощи; и се на ѹстьи Понта стражю дѣа, зане тѹ частное разбоинічество, на страны нагнаніа, ихже изби [И]раклии. Тѹ дожда полку Рускыхъ, раздрѹши лодіа и ѹстроеномъ огнемъ пожже; ѹстрѣте бо а во олядехъ съ огнемъ, и пѹщати поча трубами || (л. 7) огнь на лодиа Рѹскыя, и бысть видѣти чюдо страшно. Рѹсь же, видяще пламень, вметахѹся въ водѹ морьскѹю, хотще ѹбрести, и мнози погибоша, и тако прокъ лодии възратишася на побѣгъ въ своасі. Тѣмъ же пришедшимъ в землю свою, повѣдаша воиждо своимъ о бывшемь и оляднемь огни: «якоже молніа, рече. иже на небесехъ, Грѣцѣ имѹть ѹ себѣ, иже пѹщахѹ, жжаху насъ, и сего ради на одолѣхомъ имъ». Игорь же, пришедъ, нача съвокѹпляти вои многы, посла на Варягы за море, вабяд а на Грѣкы, и пакы хотя ити на Грѣкы.

Семеѡ̈нъ и̇де на храваты 962.00

В лѣт҇. ҂ꙅ҃. у҃. н҃.:.

Семеѡ̈нъ и̇де на храваты · и̇ побѣженъ быс храва|ты · и̇ ѹмре ѡ̈ставивъ петра кнѧзѧ сн҃а свое̇|го · болъгаромъ ·

В лѣто. ҂ѕ҃. у҃. н҃.:. Семеѡнъ иде на хорваты. и побѣженъ быс Хорваты. и ѹмре ѡставивъ Петра сна своего кнѧжит. в се же лѣто родисѧ Стославъ ѹ Игорѧ.:.

В лѣто 6450. Семѵонъ иде на Хорваты и побѣж[нъ] бысть Хорваты и ѹмре, оставивъ Петра князя, сына своего, Болгаромъ.

Паки придоша ѹгри на цр҃ьградъ 963.00

В лѣт҇. ҂ꙅ҃. у҃. н҃а. Паки придоша | ѹгри на цр҃ьградъ · миръ створивше съ рамономъ · | возъвратишасѧ въ своꙗ̇си ·

В лѣто. ҂ѕ҃. у҃. н҃а.:. Пакы приидоша на Цс҇рьград. и миръ створивше с Романом҇. възвратишасѧ въ своꙗси.:.

[В лѣто 6451]. Пакы приидоша на Царьградъ Ѹгри и, миръ сътворившѣ с Романомъ, възвратишася въ своаси.

Игорь же совкупивъ вои̇ многи 964.00

В лѣт҇. ҂ꙅ҃. у҃. н҃в.:.

Игорь же совкупивъ вои̇ многи · варѧги русь и по|лѧны · словѣни и̇ кривичи · и тѣверьцѣ и̇ печенѣ|ги ·и̇ тали ѹ нихъ поꙗ · пои̇де на греки въ лодьꙗх҇ | и̇ на конихъ хотѧ мьстити себе · се слышавше ко|рсунци · послаша къ раману глщ҃е · се и̇де русь бе щисла корабль · покрыли суть море корабли · та|ко же и̇ болгаре послаша вѣсть · глщ҃е и̇дуть русь | и̇ наꙗ̇ли суть к собѣ печенѣги · се слышавъ цр҃ь | посла к игорю лучиѣ̇ болѧре · молѧ и̇ гл҃ѧ · не хо|ди но возьми дань ю̇же и̇малъ ѡ̈легъ · прида|мь и̇ е̇ще к тои̇ дани · тако же и̇ къ печенѣгомъ | посла паволоки и̇ злато много · и̇горь же дошед || (л. 11) дунаꙗ · созва дружину и нача думати · повѣда | и̇мъ рѣчь цр҃ву · рѣша же дружина и̇горево · да а̇ще сице | гл҃ть цр҃ь · то что хочемъ боле того · не бившесѧ и̇ма|ти злато и̇ сребро · и̇ паволоки · е̇гда кто вѣсть кто | ѡ̈долѣе̇ть мы ли ѡ̈не ли · ли с моремъ кто свѣте|нъ · се бо не по земли ходимъ · но по глубинѣ морь|стѣи · ѡбьча см҃рть всѣмъ · послуша и̇хъ игорь · и̇ | повелѣ печенѣгомъ вое̇вати болъгарьску землю · | а самъ,вземъ ѹ грекъ злато и̇ паволоки · и̇ на всѧ | воꙗ̇ · и̇ възратисѧ въспѧть · и̇ приде къ кие̇ву

въсвоꙗ̇си.:.

В лѣто. ҂ѕ҃. у҃. н҃в.:. Игорь совокупи воꙗ многы. Варѧгы. и Русь. и Полѧны. || (л. 18) и Словѣны. и Кривичи. и Тиверци. и Печенегы ж наꙗ. и тали в нихъ поемъ. хотѧ мьстити себе. се слышавше Курсунци. послаша къ Роману глюще. се идуть Русь покрыли суть море корабли. тако же и Болгаре. послша вѣсть гл҃ще. идуть Русь. и Печенѣгы наꙗли суть к собѣ. се слышавъ цсрь посла къ Игореви лутьшии боꙗры. молѧ и гл҃ѧ. не ходи но возьми дань. юже ималъ Ѡлегъ. и придамъ еще къ тои дани. тако же и Печенѣгомъ послаша. паволокы и золото много. Игорь же дошедъ Дунаꙗ, съзва дружину и нача думати. и повѣда имъ рѣчь цс҇рву. ркоша же дружина Игорева. да аще сице гл҃ть цс҇рь. то что хочемъ боле того. не бившис҇ имати злато и серебро. и паволокы. еда кто вѣсть кто ѡдолѣеть. мы ли ѡни ли. или с моремъ кто свѣтенъ. се бо не по землииходимъ. но по глубине морьстии. и ѡбьча см҃рть всемъ. и послуша ихъ Игорь. и повелѣ Печенегомъ воевати Болгарьскую землю. а самъ вземъ ѹ Грекъ злато и паволокы. на всѧ воꙗ. възвратисѧ въспѧть. и приде къ Киеву въ своꙗси.:.

Присла романъ и костянтинъ 965.00

В лѣт҇. ҂ꙅ҃. у҃. н҃г.:.

Присла романъ и костянтинъ · и степанъ слы | к игореви построити мира первого · и̇горь же | гл҃а с ними ѡ мирѣ · посла и̇горь мужѣ своꙗ̇ | къ роману · романъ же созва болѧре и̇ сано|вники · приведоша рускиꙗ̇ слы · и велѣша | глт҃и · псати ѡ̈боихъ рѣчи на харатьѣ равно дру|гога свѣщаньꙗ · бывшаго при цр҃и раманѣ и̇ ко҇|стꙗнтинѣ и̇ стефанѣ · хс҇любивыхъ влд҃къ · мы | ѿ рода рускаго · съли и̇ гостье̇ · и̇воръ солъ иго|ревъ · великаго кнѳзѧ рускаго · и̇ ѡ̈бъчии̇ сли | вуефастъ святославль · сн҃ъ игоревъ · и̇скусе|ви ѡлгы княгини · слуды и̇горевъ · нети и̇го|ревъ · ѹлебъ володиславль · каницаръ передъ | славинъ · шихъбернъ · сфанъдръ · жены ѹлѣ|блѣ · прастенъ туръдуви либиаръ · фастовъ · | гримъ сфирьковъ · прастенъ · акунъ · нети и|горевъ · кары тудковъ · каршевъ · туръдовъ · | егри евлисковъ · воиковъ · и̇стръ · аминодовъ · | прастенъ · берновъ · ꙗвтягъ · гунаревъ · шиб|ридъ · алданъ · колъ клековъ · стегги етоновъ · || (л. 11об.) сфирка · алвадъ гудовъ · фудри туадовъ · муту|ръ ѹтинъ · купець адунь · адулбъ · и̇ггивладъ · | ѡ̈лебъ фрутанъ · гомолъ · куци · е̇мигъ · туръ|бидъ · фуръстенъ · бруны · роа̇лдъ · гунастръ · | фрастѣнъ · и̇гелъдъ · туръбернъ · моны · руа̇лдъ · | свѣнь · стиръ · а̇лданъ · тилена · пубьксарь · вузлѣ|въ · синко · боричь · послании̇ ѿ и̇горѧ · великого | кнѧзѧ рускаго · и̇ ѿ всѧкоꙗ̇ кнѧжьꙗ̇ · и̇ ѿ всѣ|хъ людии̇ рускиꙗ̇ землѧ · и ѿ тѣх҇ заповѣдано ѡ|бновити ветъхии̇ миръ · ненавидѧщаго добра | и̇ враждолюбьца дьꙗ̇вола · разорити ѿ многъ | лѣтъ · и̇ ѹтвердити любовь · межю греки и русь|ю̇ · и̇ великии̇ кнѧзь нашь и̇горь · и̇ болѧре е̇го и̇ | людье̇ вси рустии̇ · послаша ны къ роману и̇ | костѧнтину и̇ къ стефану · къ великимъ црм҃ъ