0159. е҆ли А҆фроди́тьскаꙗ, блудническаꙗ. Несмы́сленнїи б̑о а҆стролоѕи блꙗдꙋт глаго́люще. ꙗ῎ко а῎ще кто̀ роди́тсꙗ во ѕвѣздꙋ̀ а҆фроди́тъ, то́и бывает у҆добенъ на смѣше́ние блуда̀. Но лгут сѐ ѡ҆каꙗ῎ннїи, си́мъ ѡ҆клевета́юще творца̀ тва́ри вино́вна бы́ти ѕлу̀. Не хотꙗ́ще раѕꙋмѣти, ꙗ῎ко бг҃ъ ѕла̀ не сотворѝ, н̑и соѕда, и҆ не и҆скуша́ет той никого́ же. Но кождо ѿ свое҆ꙗ̀ по́хоти привлачим творит ѕла́ꙗ̀. Та́ко же е῎ллини несмы́сленнїи несы́тым блудом [ни́же, п.] почитают дн҃ь боги́не их а҆фроди́те. і҆ того̀ ради дѣла а҆фроди́тскаꙗ дѣ́ла блудническаѧ скаѕꙋ́ютсꙗ. Бѣ́ꙗше та̀ боги́нꙗ их а҆фроди́тїꙗ дще́рь кро́нова. и҆ толи́ка ѡ҆на̀ бѣ прелюбодѣ́ица, ꙗ῎ко пла́чющисꙗ и҆ска́ти е῎й рачи́телей свои῎хъ. Бꙗ́ше же та̀ прелюбодѣица наречена̀ и῎менем преходныꙗ ѕвѣзды а҆фроди́те. ꙗ῎ко ж ѡ҆ сем пи́шет в тол҇кованиіх ста҃го григѡрїꙗ феѡ҆ло́га, сирѣчь бг҃осло́ва, в пе́рвом сло́вѣ, е῎же на ст҃о́е бг҃оꙗ҆вле́нїе;
л. 31