1922. Ⓑ В коли́ко и῎мѧ дѣлитсѧ • (ѿ) в꙽трое • в мꙋ́жеско • в꙽ сре́дне • в же́н꙽ско • Мꙋ́жеско же ес҇ сѐ • бг҃ъ • ѿц҃ъ сн҃ъ дх҃ъ ст҃ъ • А῎гг҃елъ • члк҃ъ • пе́тръ • павел • і҆ всѧ́ка рѣчь, || (л. 188об.) и҆ і῎мѧ о҆конча́емое е῎ром, мꙋ́жеско ес҇ • Всѧкаѧ же рѣ<> о҆конча́е҆маѧ о῎ном, среднѧ ес҇ • ꙗ῎ко же с̑е • бжс҇тво̀ сꙋщество̀ • нб҃о древо • і҆ про́чаѧ такова́ѧ • Же́ньское же се ес҇ • бц҃а • гж҃а • дш҃а вода̀ лꙋна̀ • і҆ про́чаѧ, о҆конча́емаѧ а҆зом, же́н꙽ска ес҇ • Е῎сть же среднѧꙗ ча́сти о҆кончае҆мо на е῎сть; е҆же ес҇ сѐ • слн҃це • лицѐ ꙗ῎и҆цѐ • і҆ прочаѧ такова́ѧ • Е῎сть же нѣкое женьско о҆конча́е҆мо на́ ерь • ꙗ҆ко ж сѐ пло́ть кровь • ла́нь Мꙋжеско же на е҆рь о҆кончаемое се ес҇ • о῎гнь, конь • || (л. 189) і҆ проч҇е • Сїѧ же предрече́наѧ тр̑и і῎мене • в пѧть паде́нїи склонѧютсѧ, пѧть же паде́нїе с̑е ес҇, пра́во • ро́дно • вїно́вно • да́телно зва́телно • И҆ пра́во се ес҇, петръ петрово петра̀ петрꙋ • ѡ҆̀ пе́тре • И҆ па́<> мѣстои῎мене делитсѧ • въ е҆дин҇ственое • і҆ дво́иное • і҆ множное ꙗ῎ко же с̑е • а῎зъ • вѣ̀ [выш҇ вʹ] • м̑ы • пространно о҆ сем ска́зано в꙽ вѣ́дѧх • Хотѧщему ж кни́ги писати, паче всего̀ досто́ит навы́кнути, вышерече́ннаѧ сїѧ краткаѧ || (л. 190) сказанїица ѡ҆смоча́стїѧ и҆ грамотики • да нека́ко ненавык и҆стїннаго ра́зꙋма в꙽ верхнеи кни́жнеи силѣ и҆ в точках, і҆ ѹ҆чнет кри́во і҆ неи҆справно писа́ти ст҃ыѧ кни́ги • і҆ за сѐ вмѣсто мзды̀ сꙋд немлс҇твен прїи́мет • ꙗ῎ко могїи навы́кнути и҆ не воохотѣ разꙋмѣти •
л. 188–190