І҆нди́ктъ

Submitted by admin on Mon, 10/05/2020 - 13:16
Номер Шестой Азбуковник
734.00
РНБ, Соф.1567

0734. [црьс҇. е҆лли] ри І҆нди́ктъ Ⓣ новое лѣ́то. гл҃ют же нѣцыи ꙗк҇ римски і҆ндикта лѣто о҆бновлѧетсѧ в пѧтьна́деѧт лѣт • По а҆леѯан҇дрѣ бо макидон҇стем, ри́м꙽ским цр҃ем владꙋ́щим всею вселенною • И҆ та́ко разстоѧ́ ради да́лних о῎рдъ, неѹ҆добно бѣ на всѧко лѣто да ни цр҃ьствеи прїноси́мѣ быти в рим • И҆ та́ко кесарѝ римстїи раздѣлиша вселе́нныѧ дань на́ три части • да ка́ѧждо ча́сть прино́сит дань свою̀ в рим въ, е҃.е лѣ<>. і҆ в первꙋю пѧтори́цꙋ приноси́мо бѣ || (л. 98) в рим ѕла́то • и҆ сребро̀ • во вторꙋю мѣдь и ѡ῎лово в꙽ тре́тїю желѣѕо и҆ ѹ҆кла́дъ • И҆ та́ко мимошедшим тре́тїим пѧтѝ лѣтом • Па́ки настава́ше первое лѣто і҆нди́кта, на и҆нꙋ, еі҃. лѣт. и҆ то̀ пе́рвое лѣто і҆нъдикта нарицахꙋ о҆бновленїе и҆н꙽дикту • А҆ да́ни настава́ше но́вое лѣто • Нача́ло же творѧхꙋ и҆нъдикту въ. а дн҇. септев҇рїѧ • ѿ того́ бо дн҃е начина́ют но́вое число лѣта римлѧне • А҆ е҆вре́и начинают новое число̀ лѣту || (л. 98об.) ѿ перваг҇ дн҃е марта мс҇ца • И҆ндїѧне же начинают лѣта честѝ ѿ мс҇ца і҆ю́лѧ • Грецы же и҆ мы̀ сло́вѧне, послѣдовахом лѣтописїю ри́млѧном вины̀ ради сеѧ̀; [про́логъ сеп҇ а҃] понеж въ а дн҇ септе́врїѧ вшедшꙋ гу҃ нш҃му і҆с҃ꙋ х҃ꙋ в соборище і҆юдеиское. и҆ да́ша е҆му честѝ кни́гу И҆са́іꙗ прро҇ка • о῎н же разгнувъ е҆ѧ̀ о҆брѣ́те напи́сано, дх҃ъ гн҃ь на мнѣ, его ж ради пома́ѕа мѧ. и҆ про́чее • І҆ рек҇ и҆ проповѣдати лѣто гн҃е прїѧтно, и҆ согнув҇ кни́гу || (л. 99) ѿда́стъ слꙋзѣ • ѡ҆ сем доѕдѣ прекратим слово •

л. РНБ, Соф.1567

л. 97об.–99

Такс_Шестой