0189. ел Аѳи́на Ⓣ во е῎ллинех была̀ || (л. 31) нѣ́каѧ жо́нка вол꙽хва̀ и҆ чародѣ́ика • е҆ꙗ῎ же безꙋ́мнїи е῎ллини нарекоша себѣ боги́нею • созда́вше же град, і҆ нареко́ша е҆го а҆ѳинї́ею • во́ і῎мѧ боги́ни их а҆фи́ны і҆ ѿто́ле е῎ллини о῎ни нача́ша нарица́тисѧ, а҆фини́ѧне • толкꙋ́е҆т же сѧ а҆фи́на, почтена • Нѣкогда же бо́зи е῎ллин꙽стїи. а῎рїи, и҆ посидо́нъ и҆мѧ́хꙋ междѹ собо́ю бра́нь • ꙗ῎ко || (л. 31об.) сн҃ъ посидо́новъ наси́льствова дще́рь а῎рїевꙋ • і҆ того ради о҆нѝ прїидо́ша сꙋди́тисѧ пред а҆фи́нꙋ боги́нею • о҆на́ же присꙋдѝ и῎мъ по́ле • а῎рїи же на́ поли ѹ҆бѝ посидо́на • і҆ хра́бръствꙋѧ востечѐ на бли́зъ т̑ꙋ сꙋ́щїи ка́мень. и҆ водрꙋзи т̑ꙋ копїѐ своѐ; і҆ ѿто́лѣ мѣ́сто т̑о про́звано быс҇, а῎рїо҆въ па́гъ, а҆финї́ѧне же созда́||(л.32)ша на то́мъ мѣ́стѣ сꙋди́лище • і҆ нарекѡ́ша сꙋди́лише та а҆рїо҆паги́т꙽ское • і҆ в то̀ сꙋди́лище и҆збира́хꙋ ѿ родо́въ сла́вныхъ і҆ бога́тых, н҃, сꙋдїи • и҆ всѝ тїи сꙋдьѝ и҆ с ро́ды свои῎ми, нарица́хꙋсѧ а҆рїо҆паги́те • сего̀ ра́ди и҆ ст҃ыи свѧще́нномчн҃къ дїо҆ни́сїи, нари́четсѧ а҆рео҆пагит. поне́же и҆ то́и бѣ̀ ѿ тѣ́х пѧти́десѧт || (л. 32об.) сꙋдїи • о҆ сем доздѣ̀ сократим по́вѣсть
л. 30об.–32об.
Азб6, Соф. 1567, 30об.–32об.